Il Grischun
Il Grischun è in chantun singular, ma el sa mida cun tut las schanzas e tut ils privels che talas midadas includan. Per prevesair a temp talas midadas dovri organisaziuns independentas ed avertas che n’n betg suttamessa a pressiuns politicas mumentanas.
Pro Raetia vul gidar a chattar schliaziuns adattadas. Ella fa quai ensemen cun Grischunas e Grischuns ed amias ed amis dal Grischun.
Umans han ideas, orizonts pli vasts ed engaschament. Els dovran chanals d’infurmaziun ed in forum per preschentar lur visiuns e per exponer quellas a la critica.
Organisaziuns cun structura maschadada cun numerusas commembras e commembers sco la Pro Raetia pon gidar a moda decisiva da far ord ideas tenutas acceptadas.
il barat d’ideas è impurtant e prezius.
In’organisaziun era per Vus!
La Pro Raetia è vegnida fundada l’onn 1949 sco organisaziun da tetg da las uniuns grischunas en la Bassa. Oz fan passa milli Grischunas e Grischuns, amias ed amis dal Grischun part da la Pro Raetia sco commembras e commembers singuls. Differentas organisaziuns e vischnancas sa participeschan sco commembras collectivas. Dus terzs da la commembranza da la Pro Raetia n domiciliads ordaifer il Grischun.
La Pro Raetia sustegna stentas culturalas e gida a mantegnair bains culturals dal Grischun. Ultra da quai vul ella promover la politica da traffic e l’economia, en spezial da las vischnancas e valladas main favurisadas. in ulteriur intent da proteger cuntradas singularas e spazis da recreaziun periclitads.
Mintg’onn s’inscuntran commembras e commembers, simpatisantas e simpatisants da la Pro Raetia per la dieta champestra en il Grischun. Questa occasiun dat la pussaivladad da tgirar ils contacts cun la populaziun indigena e da discutar temas actuals.
La Pro Raetia collavura ultra da quai en diversas organisaziuns dal Grischun ch’ella ha padrinˆ u gidˆ decisivamain a fundar.
In fegl d’infurmaziun che cumpara trais giadas l’onn infurmescha davart las activitads. La retscha da publicaziuns Pro Raetia approfundescha temas da las dietas champestras.